بحث في الموقع :
-بدء الحفريات الاثرية الاسرائيلية في خسفين في الجولان المحتل          -اسرائيل : رقم قياسي في معدّل الأجر الشهري          -عرض لأطروحتي الدكتوراه لـ د. يوسف بريك و-د. تيسير الحلبي في اعدادية مجدل شمس          
موقع الجولان >> الجولان للتنمية >> المجمع الطبي  >>  فعاليات وبرامج طبية  >>
مهارات حياتية وعادات غذائية صحيحة ، تساعد في تخفيض الوزن
  04/12/2014

 مهارات حياتية وعادات غذائية صحيحة ، تساعد في تخفيض الوزن

موقع الجولان للتنمية

 

ضمن برنامج التثقيف الصحي في مجمع العيادات الصحية تستمر ورشة العمل الطبية  في موضوع " اكتساب مهارات حياتية وعادات غذائية صحيحة ، تساعد في تفيض الوزن" تحت اشراف اخصائية التغذية روز عويدات ، وهي سلسلة من ورشات العمل الصحي في المجمع الطبي، تهدف إلى زيادة الوعي والمسؤولية الصحية، وفي هذا الصدد  قالت اخصائية التغذية  روز عويدات "

لانو النزله بالوزن بحاجه للحب .. مش للحرب.. ولانو تغيير صغير بحياتنا اليوميه بيعمل فرق كبير براحتنا النفسيه..
وبما انو أغلب الناس بتعيش بصراع مع جسدها ومع وزنها.. وبما انو الاكل متعه وما منقدر نعيش بدونو....
بلشنا ورشة عمل يللي هدفها نحب جسدنا أكثر ونبدا نعمل تغيير بشكل تدريجي لنوصل للوزن يللي بدنا هو أو للهدف يلي كل شخص بالمجموعه قرروا لنفسوا...
عمنشتغل عحالنا.. بطريقة شوي مختلفه عن الطرق يللي تعودنا عليها لننزل بالوزن.. متل العقاب والحرمان والروجيم..
أغلب الناس اليوم بتعرف شو الصح وشو الغلط وشو العادات الصحيحه يلي بتساعدنا ننزل بالوزن. بس مشكلة الاغلب هيي كيف تبدا عنجد تعمل تغيير.. وكيف تبدا بالتطبيق.. كلنا منعرف بس بقي نطبق.. وهذا اهم هدف للورشه حسب رأيي.. انو عنجد نبدا والكلمي تصير فعل..
لقائاتنا عبتتخلل فعاليات.. حوارات بين المجموعه.. أفلام قصيره.. ووراق عمل..
مرقنا لحد اسا 4 لقاءات ...بدينا بالتعارف بين أعضاء المجموعة.. حطينا خطة عمل كيف بدنا تكون ورشتنا وبدينا نشتغل عاهدافنا..
حكينا عن فوة التفكير..وقديش افكارنا السلبيه مرات كثير بتأثر علينا وما بتخلينا نوصل لهدفنا, وكيف ممكن نستبدلها بافكار ايجابيه لنوصل لا يشي بدنا هو بالحياة.. مثلا لما اني فكر انو ما بقدر غير عاده معينه.. أكيد ما راح غيرها..لانو اني مأمن انو ما بقدر.. بينما لما احذف كلمة ما..فجأه بصير بقدر.. ولما أمن بحالي وبقدراتي بقدر أوصل عالقمر اذا بدي..
بعد مقررنا نبلش نستبدل افكارنا السلبيه بالايجابيه.. تعرفنا على المجموعات الغذائية..وحكينا عن أهمية التوازن بالوجبة..وقديش مهم ما نحرم حالنا من أي مجموعه.. ونصغي لجسمنا..
بنينا عادات مريحه لحياتنا اليوميه ..وكل فرد بالمجموعه بلش يبني نظام يللي هو شخصيا بيحبو ومريح لحياتو اليوميه بالبيت أو بالشغل..
رحلتنا كل أسبوعين عبتكون ممتعه جدا...وملاني حب وطاقه.. بدي قول لمجموعتي انو اني بحبهن كثير وبامن فيهن وبقدراتهن..
وخلي الصور تحكي..

 صور من الفعاليات :

 

 

 

عَقّب على المقال                    طباعة المقال                   
التعقيبات