بحث في الموقع :
-بدء الحفريات الاثرية الاسرائيلية في خسفين في الجولان المحتل          -اسرائيل : رقم قياسي في معدّل الأجر الشهري          -عرض لأطروحتي الدكتوراه لـ د. يوسف بريك و-د. تيسير الحلبي في اعدادية مجدل شمس          
موقع الجولان >> الصفحة المحلية >> الــزاويــة الـــثقــافــيــة  >>
  يوم النصر جاي...
  28/06/2008

 

يوم النصر جاي...

قصيدة مهداة الى الاسرى في سجون الاحتلال والى روح الشهيد هايل ابو زيد

قصيدة باللهجة العامية  من اشعار مهدي خزاعي ابو عواد

القيت في الأمسية التضامنية  مع الأسرى والمعتقلين في خيمة الاعتصام في مجدل شمس 27/6/2008

 

 غلطان لو كنت فهمان انو بظلمك تغلب الايمان

ايمان ابطال مرسوم عجبينهم حب الوطن عنوان

عادرب النضال مشو وكانو بعدهن صبيان

من كثر حبهن للوطن نذلروا رواحهن الو قربان

مشو عالدرب لا همهم سجن ولا سجان

قدموا للوطن اغلى ما ممكن يقدموا انسان

الدهر جار عليهم وصاروا ورا القضبان

وقعوا بايد ظالمة اللي منها بكثير ارحم الشيطان

عتم السجن زادهم ايمان وخلى قلوبهم اصلب من الصوان

ما همهم تعذيب ومرض وجوع ولا حرمان

فاتو عامحكمة فيها مخربط الميزان كل احكامها بتحمي مصالح العدوان

 بقاعة المحكمة اعلنوا العصيان ماهمهم قاضي ولا مدعي جبان

غنو  نشيد الوطن بقلب الكيان ، غنوا حماة الديار غصبن عن الزعلان

اجسادهن مكبلي بالقيد بس رواحهن قوية ما تنهان

 رواح قوية بس.... يا حسرتي ضعفت الاجسام

هايل استشهد وصار في دار الامان قبل اخر رمق جبينو طال العنان

هايل استشهد وانطوى دفتر عمر بسطور العز مليان

هايل استشهد.... ويا خوفي ما يلحقوا سيطان

سيطان اللي بالحلاش النفس  طالع وبعدو مقيدو السجان

وصدقي اللي بعد كل العذاب عندو لروح الفكاهة مكان

هوذي هن أحرار الجولان هوذي هن رمز الشرف رمز العطاء رمز الحنان

اوصافهن الطاهرة كثيرة بيعجز عن قولها اللسان

هذا هو الزمان وهذا المكان اللي نرجع نتكاتف ونحارب كل طغيان

ونحط ايد بايد وما نجرح بعضنا كل يوم ببيان

اختلفنا وبنختلف بالرأي بس بنضلنا اخوان.. العدو واحد ممنوع النسيان

تعوا نتكاتف ونربي ولادنا عاحب الاوطان

سوا ايد بايد بيتحرر الجولان

ويم النصر جاي........... مش كلام

يوم النصر................ جاي

شوية صبر .......... بس تيؤون الاوان

مهدي خزاعي ابو عواد
 

عَقّب على المقال                    طباعة المقال                   
التعقيبات