بحث في الموقع :
-بدء الحفريات الاثرية الاسرائيلية في خسفين في الجولان المحتل          -اسرائيل : رقم قياسي في معدّل الأجر الشهري          -عرض لأطروحتي الدكتوراه لـ د. يوسف بريك و-د. تيسير الحلبي في اعدادية مجدل شمس          
موقع الجولان >> الصفحة المحلية >> الــزاويــة الـــثقــافــيــة  >>
عِيْشي حرَّه يا بلادي
  08/12/2008


عِيْشي حرَّه يا بلادي " باللهجة  العَامِيَّه"


شعر: نواف مهنا الحلبي

عِيْشي حرَّه يا بلادي
وغَنِّي لاجل الحريِّه
أَنا بلادي صف العَسْكَر
ويا بَحْرِيِّه
أَنا بلادي بَسْمِة أَطفال وْغِنِّيّه
بلادي يا حلْوِه
إنْتي نحنا ونحنا إنْتي
فِينا الرُّوح الثَّوْرِيِّه وْمِنَّا الثَّوْرَه الشَّعْبِيِّه
كرُوْمِكْ يَا بْلادي
تْغَنِّيْ لْعَنْقُوْد
بْيِعْصُرْ خَمْر جْهادِكْ وْبِيْجُوْد
بْجَوِّكْ يَا بْلاديْ
تْغَنَّى الحَسُّوْن
الحِرِّيِّه... الحِرِّيِّه وَيْن تْكُوْن
تْنَهَّدْ فَلاَّحِك وْقَال بِتْهُوْن...
بِتْهُوْن الرُّوْح اطَّمَّنْ يَا حَسُّوْن
رُوْح خَبِّرْ أَهْلِي وْقلْهُن
أَنا لَبْلادي مَرْهُوْن
أَنا لَبْلادي مَنْذُوْر!!!...
رُوْحْ يَا حَسُّوْن
وْلِفْ وْدُوْر
وْهَدِّيْ عَ السِّندياني
وْزَقْزِقْ لَلْفَجْر يَلِّي
بِطْلُوْعو بِيْعاني
وْرُوْحْ يَا حَسُّوْن وْطِيْر
وْهَدِّيْ عَ شِبَّاك الزِّنْزاني
وْسَلِّمْ عَ السَّجين وْقلُّو
عَ دَرْبَكْ راح نِمْشي ثَاني
ضِدْ الغَزْو العِدْواني
وْطِيْر يَا حَسُّوْن
وْزُوْر قَبْر الشَّهيد
وْزِيْد السَّلام عَ رُوحُه وْعِيْد
الشَّهادي فِيْنا أَقْرَبْ
مِنْ حَبْل الوَرِيْد
وْحُبْها عَمْ يِكْبَرْ فِيْنا وِيْزِيد
وْطِيْر يَا حَسُّوْن
فوْق هَضْبِتْنا الأبِيِّه
وْقُوْل بْفَخْرِ الصُّوْت:
الجَّوْلان عَرَبِيِّه
الجَّوْلان سُوْرِيِّه
الجَّوْلان سُوْرِيَّه !...
 

عَقّب على المقال                    طباعة المقال                   
التعقيبات

1.  

المرسل :  

هيلة غانم فخرالدين

 

بتاريخ :

19/12/2008 12:02:24

 

النص :

حلوة متل العادة بس ليش اشتغلت بس عالحسون ..لانو بهالشغلة زعلت الترغل اللي شاهد عالمحتل... هيلة
   

2.  

المرسل :  

هيلة غانم فخرالدين

 

بتاريخ :

19/12/2008 12:02:39

 

النص :

حلوة متل العادة بس ليش اشتغلت بس عالحسون ..لانو بهالشغلة زعلت الترغل اللي شاهد عالمحتل... هيلة