بحث في الموقع :
-بدء الحفريات الاثرية الاسرائيلية في خسفين في الجولان المحتل          -اسرائيل : رقم قياسي في معدّل الأجر الشهري          -عرض لأطروحتي الدكتوراه لـ د. يوسف بريك و-د. تيسير الحلبي في اعدادية مجدل شمس          
موقع الجولان >> الصفحة المحلية >> الــزاويــة الـــثقــافــيــة  >>
قصيدة زجلية في ذكرى اغتيال كمال بيك
  17/03/2010


ذكرى اغتيال كمال بيك

قصيدة زجلية  للشاب ربيع المغربي

ألقيت في حفل احياء الذكرى الــ 33  لاستشهاد المعلم كمال جنبلاط  الذي اقامه  مركز مسعدة الثقافي والقلم التقدمي  في قرية مسعدة


كل ما الخيال بيقطع الأميال =  بيكون رهجة للشعر عاطي
وهيكي خيالي تعمشق علجبال = تا صار عا كعب الشمس لاطي
طلعت بقصيدي بتلبق برئبال = وغطيت خيط الشمس بالشاطي
وعنونتها الفكر الجنبلاطي
صرلك على سرير الخلود سنين = والمجد سكر بدفقة نبوعك
غيابك إلو تلاتي مع تلاثين = بعمر الميسح مشعل شموعك
ولكان متلك بالجبل شاهين = والأرز يتناوط على كوعك
بضربة قدر لو هجرت لمحبين = حلو الزمان يعيد موضوعك
لك لا كان يعرف هالزمن باللين = ولا كان يعرف متلك يودي
ولا كان يعطي الازن برجوعك
*****
يا بيك بعدك مرجع وعنوان = ومعلم الأزمان بي عفتك
وبعدا مخوخ العلم في لبنان = بتطمع تتاخذ نهج فلسفتك
*****
بعدك للجيال لعم بتخلق = معلم عظيم وسمعتك برهان
ومطرح ما ساقي دمك لمفرق = طلعت مدارس للفدا عنوان
*****
وعا راح يدك ملعب السلمي = لوحد مسيحي برفقة الدرزي
وكلمي لزرعتا بالجبل كلمي = كبرت تا صارت بالجبل أرزي
*****
ضلو خيالك بالهوا بياع = ويخلق ملاحم من فرد لمحة
وميت لمتلك مون الجياع = حكمة وبلاغة بحبة القمحة
*****
وساعة ما شافو نصر تفكيرك = اغتالو الجسد برصاصة الظلمي
لكن ما قدرو صلب تفكيرك = يصيبو بجهلن حرف بالكلمي
*****
ولولا رصاص الغدر كان يشوف = بايد لغباوي من قبل حسمك
بيقتل غَبا والجهل بالالوف = بس لمتل فضلك يا فيلسوف
ما فيه ميلي يفوت عا جسمك
بمسك الختام بفلفش المنتور = ولا تخاف عا حزبك ولقيادي
تارك بطل خلفك إذا بيثور = لقمة بعلاها ردها وادي
الاوسط مع لباهم إذا بيدور = بدّو ابو تيمور يا بلادي
يفيق رجال لحزب يا بو تيمور = ويمشي عا قول لخالد لبادي
للحرب صفو والقول مأثور = بدنا نقاتل تالنصر نرفع
وما منعتدي ويا ويل عالبادي
 

عَقّب على المقال                    طباعة المقال                   
التعقيبات